Matang ** Buyod

Monday, February 15, 2010

"Sarung Banggi " - bersyon ni Lilac Caña

Sunday, February 14, 2010

Boses ni Lolo

Sarong magayon na kanta na pirmi ko nadadangog sa mga istasyon nin radyo kaito. Ang istorya kan kantang ini kung dai ako nasasala iyo an saro ini sa mga guminana kaito sa Bicol Music Festival sa Siyudad nin Naga kan 1980s.

Haloy ko na pighahanap ang tunay na bersyon kan kantang ini alagad iyo sana ini ang sakuyang nakua sa YouTube. Medyo binago ang berso sa poon ta medyo dinogangan ki paulok.

Saro sa mga magayon na kanta kaito. Asi tabi, dangoga.

Wednesday, January 13, 2010

Si Juan asin si Pedro

si juan
sige sana ang tukaw
habo lamang magpahinang
sa sobrang kahugakan

si pedro
sige sana ang trabaho
grabe ang pahinang
sa sobrang kahigusan

duwang klaseng tawo
na nagtitinir sa kinaban
alagad magka-iba ang dalan
na saindang piglalakawan.

sa saimong pagmati
siisay ka sa duwa
ano ang hiling mo
sa sadiri mo
ika si juan o si pedro?
#

Monday, January 11, 2010

Paghidaw

hain ka?
kan pighahanap ka
kan sakuyang mga mata
kan pighihidaw ang saimong boses
kan sakuyang talinga

hain ka?
kan pigroromdom ka
kan sakuyang isip
kan pighuhurop-hurop ka
kan napupungaw na puso

makulog sa payo
malibong sa pag-isip
magabat sa daghan
kan ika huminali na
dai lamang nagpa-aram.