pirmi pigbabayle sa karasalan
minsan minabotwa sa baraylehan
dakul na bersyon
ang paglayaw-layaw
may makaolok asin pormal
alagad gabos ini pig-oobserbar
sa bilog na kabikolan
Sunday, September 11, 2011
Thursday, July 21, 2011
Panghugas
sige
iluha mo
ang kulog
nin boot
ang bulos
kan tubig
tipunon mo
para may
panghugas
kan mga
natipon
na ati
na dara
kan
bagyo.
*litrato ni mommasaid-dot-net
Tuesday, June 14, 2011
simbag sa kahapotan
dai ko aram
kung nata
pirit na
pigsisikwal
kan sakuyang
mga mata
ang saimong
kagayonan
dai ko aram
kung nata dai mahali
maski anong pirit
ang saimong imahe
sa sakuyang mga
pangiturogan
dai maaraman
ang dapat na gigibuhon
dai masabutan
ang dapat na iisipon
dai ma isplikar na pormal
ang namamatian
alagad
talagang arog talaga kaan
ta sobra ang sakong
katorpehan.
Monday, February 14, 2011
Sunday, October 24, 2010
'Ilong Pagkamoot' bersyon ni Dame Andrea Templonuevo
I
Ilong pagkamoot nasiring sa banwit
Dae makalawod ta daeng sakayan (2x)
Dae pag bantogon
Dae makatungtong ta daeng sagkod pa si aroronay
Bari pa si sagwan, inanod pati timon
II
O madahas na duros, layag ko pinarakit
Pinarakit mo pa su sarwal kung puti
Isay pa daw ang maherak sasako ngonian
Pati si torsido, pati si torsido
Si dago nabari.
(Repeat II)
Wednesday, September 15, 2010
Friday, September 10, 2010
Subscribe to:
Posts (Atom)